உங்கள் நிறுவனம் சரியான பாதையில்தான் செல்கிறதா ? ZERO TO ONE -PETER THIEL பேபால் (Paypal) மற்றும் பலன்ட்டிர் (Palantir) நிறுவனங்களின் இணை நிறுவனர் பீட்டர் தீல் எழுதிய புத்தகம் “ ஜீரோ டு ஒன் . ” இந்தப் புத்தகத்தில் அவர் ஸ்டார்ட் அப் நிறுவனங்கள் வெற்றிகரமான எதிர்காலத்தை கட்டமைக்க வேண்டுமென்றால் எவ்வாறு செயல்பட வேண்டும் என்பதற்கான வழிமுறைகளை விளக்குகிறார் . அவர் முன்வைக்கும் வழிமுறைகளின் வழியே , ஒரு நிறுவனத்தை ஆரம்பிப்பது முதல் அதை வெற்றிப் பாதையில் செலுத்துவது வரையிலான நடைமுறைகளைப் பற்றிய புரிதலை உருவாக்கிக்கொள்ள முடியும் . இந்நூலில் விளக்கப்பட்டிருக்கும் முக்கியமான சில அம்சங்களைப் பார்க்கலாம் . புதுமை : ஏற்கனவே வெற்றிகரமாக செயல்பட்டுக்கொண்டிருக்கும் வணிக மாதிரிகளை காப்பியடிப்பது அல்லது அதில் குறிப்பிடத்தக்க மாறுதல்களைச் செய்து தொழிலை மேம்படுத்துவது போன்றவற்றை கிடைமட்ட முன்னேற்றம் (HORIZONTAL PROGRESS) என்பார்கள் . ஆனால் புதியதாக ஒன்றை உருவாக்கும் போது பூஜ்ஜியத்தில் இருந்து தொடங்க வேண...